O Concello de Crecente incorporou unha nova pinza para o servizo de Punto Limpo Móbil, unha ferramenta esencial para a manipulación e recollida segura de residuos voluminosos, mellorando a eficiencia e a capacidade operativa deste servizo público.
A adquisición realizouse ao abeiro da
Orde do 17 de decembro de 2024, publicada no
DOG nº 250 do 30 de decembro de 2024, pola que se establecen as bases das axudas destinadas a actuacións en materia de residuos municipais, cofinanciadas polo
Mecanismo de Recuperación e Resiliencia da Unión Europea – NextGenerationEU.
No marco desta convocatoria, o Concello de Crecente resultou beneficiario dunha axuda na
Liña 3: Puntos limpos móbiles, tal e como se recolle na
Resolución de modificación da concesión publicada o 28 de maio de 2025, onde figura:
- Importe subvencionado: 13.410,00 €
- Custe total da actuación: 14.900,00 €
- Financiación cuberta pola axuda: 90 %
-
- A parte correspondente ao Concello foi cofinanciada pola Deputación de Pontevedra a través do Plan +Provincia 2025
Esta achega económica permite modernizar o servizo municipal de recollida de residuos especiais, reforzando o compromiso de Crecente coa sustentabilidade, a economía circular e a mellora continua da calidade dos servizos públicos que recibe a veciñanza.
Desde o Concello destacan que esta nova incorporación “supón un avance significativo na prestación dun servizo máis áxil, eficiente e respectuoso co medio ambiente”.
