Cultura

Nada máis entrar, na planta baixa ao fondo atopámonos co Centro Telemático, que é unha sala con diversos postos con ordenadores que están a disposición dos usuarios para poder facilitar á conexión a Internet de toda a nosa poboación.

Se subimos as escaleiras ata o primeiro andar, entramos na Biblioteca, que está adherida a "Rede de Bibliotecas de Galicia", e na que dispoñemos dunha zona para o estudo con amplas mesas con cadeiras, unha zona infantil para os máis cativos con xogos e libros adecuados a eles, a zona onde están todos os libros colocados en diversos andeis, e o despacho do bibliotecario, a quen lle diremos se queremos imprimir algunha cousa ou se nos xorde calquera dúbida.

O auditorio municipal ademais de contar cun amplo patio de butacas e un escenario, está completamente equipado con medios audiovisuais como son pantalla, proxector e altofalantes, tamén dispón de aire acondicionado e calefacción.

O Concello dispón de tres casas culturais municipais estando situadas nas parroquias de Albeos, Sendelle e Vilar.

Todas elas están a disposición das súas parroquias para o seu uso.